annuler
Change la taille du texte.
Remplace par des accords plus faciles à jouer.
Affiche les acccords français (Do, Ré, Mi…).
Seul le bas du texte défile, vous laissant ainsi les accords de départ visibles.
Certaines partitions n’affichent les accords qu’au début. Cet outil tente de les recopier dans l’ensemble du texte.
Marque le tempo à la vitesse que vous souhaitez.
Intro:
Verse:
N'albero piccerillo aggiu piantato
criscènnolo cu pena e cu sudore...
Na ventecata giá mme ll'ha spezzato
e tutt''e ffronne cágnano culore...
Cadute só' giá 'e frutte: e tuttuquante
erano doce e se só' fatte amare...
Ma 'o core dice: "Oje giuvinotto amante
'e ccose amare tiénele cchiù care..."
E amara comme si' te voglio bene!
Te voglio bene e tu mme faje murí...
te voglio bene!
Te voglio bene e tu mme faje murí...
Instrumental:
Verse
Era comm''o canario 'nnammurato
stu core che cantaje matina e sera...
"Scétate!" io dico e nun vò' stá scetato...
e mo nun canta manco a primmavera!...
Chi voglio bene nun mme fa felice:
forse sta 'ncielo destinato e scritto.
Ma i' penzo ca nu ditto antico dice:
"Nun se cummanna a 'o core". E i' mme stó' zitto!...
E mme stó' zitto sí...te voglio bene...
Te voglio bene e tu mme faje murí..
te voglio bene!
Te voglio bene e tu mme faje murí...
Instrumental: GM7
Verse
Chiagno p'ammore e cade 'o chianto mio
dint'a 'sta testa: 'o chianto 'a sta arracquanno...
Schiòppa na bella rosa e i' pe' gulio
a chi mm'ha fatto chiagnere nce 'a manno.
Lle dico: "Rosa mia tu mme perduone
si te scarpesarrá senza cuscienza..."
Ce sta nu ditto ca mme dá ragione:
"Fa' bene e scorda e si faje male penza..."
Pènzace buono sí...te voglio bene...
Te voglio bene e tu mme faje murí...
te voglio bene!
Te voglio bene e tu mme faje murí...
Outro: